Skrifað undir í Reykjavík?

Reykjavík er á meðal þeirra borga sem að koma til greina þegar nýtt samkomulag um fækkun kjarnavopna verður undirritað á næstunni. Genf og Helsinki koma einnig til greina en búast má við að Obama Bandaríkjaforseti og Medvedev Rússlandsforseti verði viðstaddir undirritunina, jafnvel í næstu viku.

Fjallað er um málið á vef New York Times en þar segir að samninganefndir ríkjanna vinni að því nótt sem nýtan dag að ganga frá lausum endum á samkomulaginu.

Undirritunin yrði framhald af afvopnunarferli sem að Mikhaíl Gorbatsjov og Ronald Reagan ræddu á fundi sínum í Höfða í Reykjavík árið 1986.

Samkomulagið yrði því sögulegt en blaðið segir að með því myndi kjarnaoddum fækka niður í tölu sem ekki hafi sést í um hálfa öld.

Fram kemur að vonir standi til að leiðtogar ríkjanna undirriti samkomulagið jafnvel í næstu viku um það leiti sem að Obama veitir friðarverðlaunum Nóbels viðtöku, enda komi tímasetningin sér vel nú þegar hann sé nýbúinn að fjölga í herliðinu í Afganistan.

Þrátt fyrir að undirritunin kunni að vera á næsta leiti minnir blaðið á að öldungadeild Bandaríkjaþings og rússneska þingið þurfi að staðfesta samkomulagið. Það geti tekið mánuði.

Frétt New York Times má lesa hér.

• 3 blogg um fréttina

Bloggað um fréttina

• Ólöf Ingibjörg Davíðsdóttir: Frá "I save" að "We save..."
• Jón Pétur Líndal: OK, en ekki láta Ólaf Ragnar fikta neitt í þessu.
• Hilmar Sigurpálsson: Pútín Rússlandsforseti?