Castro er skotmark nýs tölvuleiks

Fidels Castro
Fidels Castro JOSE GOITIA

Kúbverjar fordæma nýjan, bandarískan tölvuleik sem gengur út á að sérsveitarmenn reyni að drepa Fidel Castro á hans yngri árum. Ríkisreknir fjölmiðlar á Kúbu segja að leikurinn sé tilraun til að réttlæta morð í nafni afþreyingar. Vefmiðillin Cubadebate bætir því við að tölvuleikurinn muni gera bandarísk börn andfélagsleg.

Búist er við því að tölvuleikurinn, sem nefnist „Call of Duty: Black Ops", verði einn mest seldi tölvuleikur ársins. Fréttaritari BBC á Kúbu segir að umræðan þar sé á þá leið að ríkisstjórn Bandaríkjanna sé að reyna að ná þeim markmiðum í sýndarveruleika sem þeim hefur aldrei tekist í raunveruleikanum á þeim 50 árum sem Castro hefur verið við völd. Er því haldið fram í kúbverskum fjölmiðlum að yfir 600 tilraunir hafi verið gerðar til að taka Castro af lífi, allt frá því að eitra fyrir honum til þess að gefa honum vindla með sprengiefni.

Tölvuleikurinn kom á markað í síðustu viku. Sögusviðið er Kalda stríðið og er spilendum fengin ýmis leynileg verkefni til að sinna af hendi sem sérsveitarmenn. Þar á meðal fara þeir um götur Havana borgar skjótandi í allar áttir til að reyna að fella uppreisnarleiðtogann. Leikurinn er þróaður af bandaríska fyrirtækni Treyarch. Þetta er ekki fyrsti umdeildi stríðs-tölvuleikurinn sem fyrirtækið sendir frá sér.  Í síðasta mánuði var nýjasta útgáfa leiksins Medal of Honor bönnuð í bandarískum herstöðvum, vegna þess að í leiknum geta spilendur þóst vera skæruliðar talíbana sem reyna að drepa bandaríska hermenn.

mbl.is

Bloggað um fréttina

Frá Sýrlandi til Evrópu - Greinaflokkur

PÚSTKERFI Á HAGSTÆÐU VERÐI
Eigum fyrirlyggjandi PÚSTKERFI í flestar tegundir bifreiða. Einnig STÝRISLIÐI ...
PL Crystal Line, heitustu úrin í Paris.
Með SWAROVSKI kristals skífu, 2ja ára ábyrgð. Sama verð og í heimalandinu 16 til...
Innfluttningur á enn betra verði fyrir alla
Hjálpum fólki að útvega allt frá Bretlandi á mun lægra verði sem viðkemur vinnu...
VW TOUAREG
VW TOUAREG ÁRG. 2004, GYLLTUR, TVEIR EIGENDUR, LJÓST LEÐUR, V8 SJÁLFSK., EK. 142...
 
Eldri borgarar
Staður og stund
Aflagrandi 40 Opin vinnustofa kl. 9, nem...
Framhaldsuppboð
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Opin vinnustofa kl. 9, gön...
Samkoma
Félagsstarf
Samkoma kl. 20 í Kristni- boðssalnum. K...