Flugvél finnska flugfélagsins, Finnair, með 100 farþega um borð á leið frá París til Helsinki þurfti að lenda í Hamborg í Þýskalandi eftir að brestur kom í framrúðu vélarinnar.
Talsmaður Finnair segir að önnur vél hafi send til þess að sækja farþegana og fljúga með þá til Helsinki.
Samkvæmt frétt Ilta-Sanomat átti vélin, Airbus A320, að lenda í Finnlandi um hádegi í dag en von er á henni í kvöld. Lendingin gekk að óskum í Hamborg en ekki er óalgengt að brestur komi í rúður flugvéla.