Sveitir Gaddafis „hreinsa landið“

Ofurstinn Milad Hussain, talsmaður herliðs Múammars Gaddafis Líbíuleiðtoga, segir að hersveitirnar vinni markvisst að því að „hreinsa landið“ af uppreinsarmönnum.

„Hernaðaraðgerðir okkar hafa neytt hryðjuverkamennina til að flýja. Við höfum frelsað Zawiyah, Uqayla, Ras Lanuf og Brega. Og herinn mun halda áfram að frelsa önnur héruð,“ segir Hussein.

Hann segir að í kvöld eða á morgun munu menn fá fréttir að þeim árangri sem hermennirnir hafa náð.

Uppreisnarmenn hafa neyðst til að flýja undan árásum hersveitanna, sem hafa beitt stórskotavopnum og gert loftárásir. Þeir hafa smátt og smátt misst völdin í mörgum borgum, m.a. olíuborginni Ras Lanuf.

Þeir eru hins vegar enn með borgina Bengahzi á sínu valdi og þar eru menn kokhraustir, að sögn fréttaskýranda BBC í borginni. Margir hafa særst en aðrir íbúar koma sér fyrir í fremstu víglínu í staðinn.

Vopnaðir stuðningsmenn Gaddafis Reuters

• 2 blogg um fréttina

Bloggað um fréttina

• Ómar Ragnarsson: Sagan endurtekur sig.
• Sigurður Haraldsson: Hvar heimsbyggðin núna?