Sonur Gaddafi sagður látinn

Óstaðfestar fréttir herma að Khamis Gaddafi, sonur Muammer Gaddafi leiðtoga Líbíu, hafi látist í loftárásum á landið.

Tveir arabískir miðlar sögðu frá því í morgun að sonur Gaddafi hefði særst alvarlega. Al-Arabiya sagði að hann hefði særst og berðist nú fyrir lífi sínu. Al-Manara sagði að Khamis Gaddafi, yngsti sonur Gaddafi, hefði látist í gær af sárum sínum.

Breska blaðið Guardian segir frá þessu í dag, en segist ekki hafa getað fengið staðfesta að Khamis Gaddafi sé látinn.

Dabladet í Noregi segir að að Khamis Gaddafi hafi særst í loftárásum Nató á laugardag og hafi hlotið alvarleg brunasár. 

Harðir bardagar hafa verið við borgina Misrata í Líbíu í dag og í gær. Fullyrt er að hermenn í borgaralegum klæðnaði fari um og skjóti á fólk.

• 2 blogg um fréttina

Bloggað um fréttina

• Magnús Sigurðsson: Eldflaugaárás það sama og flugbann?
• Torfi Kristján Stefánsson: "Ekki eftir Gaddafi"