Þernan stefnir Strauss-Kahn
Setja bókamerki
/frimg/1/7/15/1071542.jpg)
Herbergisþernan, sem sakað hefur Dominique Strauss-Kahn um nauðgunartilraun, hefur höfðað einkamál gegn honum og krefst ótiltekinna bóta fyrir árásina, sem hún segist hafa orðið fyrir.
Lögmenn Nafissatou Diallo skrifa í stefnunni, að Strauss-Kahn hafi af ásetningi og með ofbeldi ráðist kynferðislega á Diallo, niðurlægt hana og brotið gegn kynfrelsi hennar.
Í stefnunni segir, að Strauss-Kahn hafi veitt Diallo áverka á kynfærum og öxl, rifið sokkabuxur hennar og gripið með ofbeldisfullum hætti í hnakka hennar.
Þá er Strauss-Kahn sagður hafa flúið af hólmi eins og ótíndur glæpamaður og yfirgefið Sofitel hótelið í svo miklum flýti að enn voru leifar af tannkremi á kinn hans. Þá hafi hann einnig skilið eftir sig sæðisleifar og blóðugar handþurrkur.
Lögmenn Strauss-Kahn hafa ekki tjáð sig um stefnuna.
Halla Hrund tekur forystu í könnun
Gosopið gæti stækkað á ný: „Eitthvað í aðsigi“
„Eigum eftir að sjá miklar sviptingar“
Hjólandi fjölgar hægt en örugglega
Fjöldi brota ríflega sexfaldaðist
Gæti færst meiri kraftur í eldgosið