Óvíst hver stjórnar í Íran

Tilraunir Bandaríkjamanna til þess að ná samkomulagi við Íran vegna kjarnorkuáætlunar landsins ganga brösuglega sökum þess að ekki er víst hver raunverulega stjórnar landinu er haft eftir Hillary Clinton, utanríkisráðherra Bandaríkjanna.

Clinton telur að Íran sé að breytast hægt og rólega úr alræði klerkastjórnarinnar í herstjórnarríki. Þrátt fyrir það segir hún að dyrnar séu opnar fyrir viðræðum við Íran.

Valdabarátta meðal ríkjandi afla í Íran gæti verið jákvæð fyrir þróun í landinu að mati bandaríska utanríkisráðherrans.

„Ég tel það geta verið tækifæri fyrir fólk í landinu til þess að hafa áhrif á framtíðarstjórn landsins,“ segir Clinton.

• 3 blogg um fréttina

Bloggað um fréttina

• Ómar Ragnarsson: Einn mesti olíuforði heims.
• Axel Jóhann Hallgrímsson: Frelsarans verk
• el-Toro: rándýrið orðið svangt....aftur...