Þriðjungi færri ferðast til Egyptalands

Stjórnvöld í Egyptalandi búast við að tekjur af ferðaþjónustu dragist saman um þriðjung á þessu ári. Ástæðan fyrir þessu eru mótmæli og pólitísk átök í landinu.

Stjórnvöld áætla að tekjur af ferðaþjónustu verði um 9 milljarðar dollara á þessu ári sem þýðir samdrátt um 30-35% milli ára.

Mikil mótmæli urðu í Egyptalandi í vor sem enduðu með því að Hosni Mubarak sagði af sér forsetaembætti. Nokkur hundruð manns létust í mótmælunum. Aftur urðu mikil mótmæli í lok nóvember og þá varð einnig mannfall. Þessi mótmæli hafa orðið til þess að mjög margir ferðamenn hafa hætt við að ferðast til landsins.

• 1 blogg um fréttina

Bloggað um fréttina

• Gísli Foster Hjartarson: Gullið tækifæri!!!