Jólamessa sungin í Betlehem

Fylgjendur grísku rétttrúnaðarkirkjunnar fögnuðu jólum í Fæðingarkirkjunni í Betlehem á Vesturbakkanum. Þar er talið að Jesús hafi fæðst.

Prestar grísku rétttrúnaðarkirkjunnar í Betlehem sungu í dag jólamessu í Fæðingarkirkjunni, en þar telja kristnir menn að Jesús hafi fæðst. Messan var sungin á öðrum degi jóla samkvæmt þeirra helgidagatali.

Theofilos III patríarki af Jerúsalem stjórnaði messuhaldinu að þessu sinni. Hann kom til Vesturbakkans á föstudaginn var og leiddi miðnæturmessu á aðfangadegi rétttrúnaðarkirkjunnar.

Til svonefndrar Austurkirkju heyra kirkjudeildir á borð við assírísku kirkjuna, grísku rétttrúnaðarkirkjuna og rússnesku rétttrúnaðarkirkjuna, armensku kirkjuna og koptakirkjuna.

Kirkjudeildir Austurkirkjunnar og Rómversk-kaþólska kirkjan nota Fæðingarkirkjuna í Betlehem í sameiningu.

• 1 blogg um fréttina

Bloggað um fréttina

• Ómar Ragnarsson: Svipað á Kanarí.