Erlent | AFP | 3.2.2012 | 17:55 | Uppfært 18:10

Spennan magnast um Íran

Varnamálaráðherra Bandaríkjanna, Leon Panetta. REUTERS

Þjóðir heims verða að sameinast um hörð refsiviðurlög til að þrýsta á Írana um að hætta við kjarnorkuvopnaáætlun sína, segir Leon Panetta, varnarmálaráðherra Bandaríkjanna.

Hann segir nauðsynlegt að beita mjög hörðum pólitískum og efnahagslegum viðurlögum. „Við beitum nú gríðarlegum þrýstingi á Íran í þeim tilgangi að einangra landið frá umheiminum,“ segir Panetta og bætir við að nauðsynlegt sé að halda þeim þrýstingi áfram.

Panetta var í dag staddur í bandarískri herstöð í Þýskalandi, þar sem blaðamenn gátu rætt við hann um stöðuna gagnvart Íran.

„Frá mínu sjónarhorni er það mikilvægast nú að halda alþjóðasamfélaginu sameinuðu til að halda uppi þrýstingi og sannfæra Írana um nauðsyn þess að þeir láti af þróun kjarnorkuvopna,“ sagði Panetta og bætti við: „Ef þeir gera það ekki höldum við öllum möguleikum opnum.“

Þessi ummæli Panetta koma fram degi eftir að Ísraelar komu fram með hótanir um loftárásir á Íran í þeim tilgangi að ráðast á kjarnorkuver þeirra, með eða án þátttöku Bandaríkjahers.

Ísraelar hafa þrýst mjög á um hörð viðurlög til handa Írönum og varað við þeim möguleika að þeir muni grípi til hernaðarlegrar íhlutunar gegn kjarnorkuvopnavæðingu þeirra.

Varnamálaráðherra Ísraels, Ehud Barak, fór í gær lofsorðum um ný evrópsk viðurlög gegn olíuviðskiptum Írana sem á að framfylgja næstu fimm mánuðina. Þeim er ætlað að veikja hjá þeim fjármálakerfið og seðlabankann.

Þá sagði Barak einnig: „Breiður alþjóðlegur skilningur er um að ef refsiaðgerðirnar ná ekki þeim árangi að stoppa kjarnorkuhervæðingu Írana, þá verði nauðsynlegt að skoða harðari aðgerðir.“

Refsiviðurlög vesturveldanna hafa stóraukist eftir að Sameinuðu þjóðirnar gáfu út skýrslu fyrir þremur mánuðum um rökstuddan grun um að Íranar væru að þróa kjarnorkuodda.

Öldungadeild Bandaríkjanna samþykkti refsiaðgerðapakka á fimmtudag þar sem markmiðið er að vinna á víðtækan hátt gegn olíuviðskiptum Írana, en aðgerðirnar munu einnig hafa umtalsverð áhrif á alþjóðasamskipti íranskra stjórnvalda.

Mahmoud Ahmadinejad forseti Írans. Reuters

Erlent »

Frönsku reykingafólki fjölgar

Í gær, 23:30 Reykingafólki hefur farið nokkuð fjölgandi í Frakklandi þrátt fyrir reykingabann á skemmtistöðum og veitingastöðum og hærri skatta á tóbak en um þriðjungur Frakka reykir nú samkvæmt nýjum tölum. Þetta kemur fram á fréttavefnum Thelocal.fr. Meira

Jyrki Katainen, forsætisráðherra Finnlands.

Þátttaka í vörnum Íslands ótengd NATO

Í gær, 21:27 Forsætisráðherra Finnlands, Jyrki Katainen, hafnaði því alfarið í umræðum í finnska þinginu í dag að tillaga um að Finnar tækju þátt í norrænu samstarfi við að gæta lofthelgi Íslands væri hugsuð til þess að koma Finnlandi inn í Atlantshafsbandalagið (NATO). Meira

Embættismennirnir verði sóttir til saka

Í gær, 23:03 Kínverski andófsmaðurinn Chen Guangcheng hvatti stjórnvöld í Kína til þess að sækja til saka löglausa embættismenn sem hefðu áreitt og misþyrmt honum, fjölskyldu hans og stuðningsmönnum viðtali við Reuters- fréttaveituna í dag sem er eitt það fyrsta sem hann hefur veitt eftir að hann kom til Bandaríkjanna síðastliðinn laugardag. Meira

„Marshall-aðstoð“ fyrir Sýrlendinga

Í gær, 21:23 Sendiherrar og starfsmenn utanríkisþjónustunnar í um 60 löndum ræddu í dag áætlun um að koma efnahag Sýrlands til bjargar, en átök hafa staðið yfir í landinu undanfarna 14 mánuði. Fulltrúar landa Arababandalagsins, Evrópusambandsins, Persaflóaríkjanna, auk fulltrúa SÞ tóku þátt í viðræðunum. Meira

Eldur í norskri eyju

Í gær, 18:54 Slökkviliðsmenn í Bergen í Noregi hafa barist við eld í eyjunni Sotra, sem er skammt undan landi, í meira en sólarhring án árangurs. Nokkrar íbúðir hafa verið rýmdar í eyjunni og hugsanlega þarf að rýma fleiri. Þykkan reyk leggur yfir Bergen og nágrannabyggðir. Meira

Skotar lögbinda áfengisverð

Skotar hafa bundið verð á áfengi í lög til að reyna að hemja drykkju landsmanna.

Í gær, 21:50 Skosk stjórnvöld hafa lögbundið lágmarksverð á áfengi í þeim tilgangi að stemma stigu við óhóflegri drykkju landsmanna. Ekki má selja áfengseininguna fyrir lægra verð en 50 pens frá og með apríl á næsta ári, en slík eining er skilgreind sem einn sentílítri. Meira

Fangar látnir lausir vegna verkfalls

Í gær, 20:29 Tugir fanga í fangelsinu í Bergen í Noregi voru leystir úr haldi í morgun vegna verkfalls opinberra starfsmanna í landinu. Fangarnir í fangelsinu, 72 að tölu, voru kallaðir á fund í morgun þar sem þeim var tilkynnt að fangelsið yrði tæmt til þess að fangaverðirnir gætu farið í verkfall og flestir fanganna yrðu því látnir lausir. Meira

Telja Ísrael vera „árásargjarnt“

Forseti Þýskalands, Joachim Gauck, og kanslari landsins Angela Merkel.

Í gær, 17:28 Mikill meirihluti Þjóðverja telur Ísrael vera „árásargjarnt“ og telja að Þýskaland hafi ekki lengur sérstökum skyldum að gegna gagnvart landinu samkvæmt niðurstöðum nýrrar skoðanakönnunar sem birt var í dag. Meira

Norskir ríkisstarfsmenn geri of miklar kröfur

Í gær, 16:57 Jens Stoltenberg forsætisráðherra Noregs segir að opinberir starfsmenn fari fram á of mikla launahækkun. Tilboð ríkisins um 4% launahækkun hafi verið gott. Þúsundir norskra ríkisstarfsmanna lögðu niður störf í dag, þar á meðal flest starfsfólk Óslóarháskóla. Meira

Sundrung meðal stjórnarandstæðinga

Burhan Ghalioun fyrrverandi leiðtogi uppreisnarmanna og stjórnarandstöðunnar í Sýrlandi.

Í gær, 16:21 Burhan Ghalioun fyrrverandi leiðtogi Sýrlenska þjóðarráðsins, helstu samtaka stjórnarandstæðinga í Sýrlandi, segir að mikil sundrung sé í ráðinu og að það hafi ekki staðið sig sem skyldi í því upplausnarástandi sem ríkir í landinu. Meira

Bud er orðinn að annars stigs stormi

Mynd tekin af gervihnetti af fellibylnum Bud.

Í gær, 16:31 Fyrsti fellibylur tímabilsins, sem nefndur hefur verið Bud, er orðinn að annars stigs stormi. Hann ferðast á 165 kílómetra hraða á klukkustund og er nú staddur undan suðvesturströnd Mexíkó. Meira

Áfram réttað yfir Mladic

Ratko Mladic í dómsal Alþjóðadómstólsins í Haag 16. maí síðastliðinn.

Í gær, 16:02 Réttarhöldin yfir Ratko Mladic, fyrrum yfirmanni hers Bosníu-Serba í Bosníustríðinu, sem hefur viðurnefnið Slátrarinn frá Bosníu, munu halda áfram 25. júní. Gert var hlé á þeim daginn eftir að þau hófust við Alþjóðadómstólinn í Haag vegna „óreglu“ í skipulagi réttarhaldanna. Meira

Ríkasta kona heims

Í gær, 15:28 Ástralinn Gina Rinehart er ríkasta kona heims samkvæmt því sem fram kemur í ástralska viðskiptatímaritinu BRW. Eru auðæfi Rineharts, sem er 58 ára, metin á 29 milljarða ástralska dali, eða sem samvarar 3.600 milljarða kr. Meira

Breivik ætlar ekki að áfrýja

Norski fjöldamorðinginn Anders Behring Breivik með lögmönnum sínum þeim Geir Lippestad og Vibeke Hein Bæra.

Í gær, 14:49 Norski fjöldamorðinginn Anders Behrin Breivik bað um orðið í lok réttarhaldanna yfir honum í dag. Hann sneri sér til dómaranna og sagðist hafa íhugað að áfrýja ef hann yrði fundinn sekur, en síðan komist að þeirri niðurstöðu að gera það ekki. Meira

Lögregla stöðvar mómæli í Bakú

Í gær, 11:44 Lögreglan í Bakú stöðvaði fyrr í dag mótmæli við höfuðstöðvar ríkissjónvarpsins í landinu, framkvæmdaaðila Evróvisjón 2012. Þetta er ekki i í fyrsta skipti sem að stjórnvöldstöðva mótmæli á þessum slóðum í vikunni en mótmæli voru einnig stöðvuð mánudag, á meðan fyrri forkeppni Evróvisjón fór fram. Meira

Draghi: Nú er komið að ögurstundu

Mario Draghi bankastjóri Evrópska seðlabankans.

Í gær, 15:23 Óvissa jókst enn á evrusvæðinu í dag eftir að slæmum efnahagshorfum var spáð, fyrst og fremst vegna ástands mála í Grikklandi. Engin lausn virðist í sjónmáli á vanda evrulandanna. Gengi evrunnar hefur ekki verið jafn lágt gagnvart Bandaríkjadollara undanfarna 22 mánuði. Meira

Grunaður um aðild að hvarfi Etan Patz

Í gær, 14:02 Lögreglan í New York segist hafa mann í haldi sem er grunaður að tengjast hvarfi Etan Patz árið 1979. Patz var sex ára gamall þegar hann hvarf fyrir 33 árum. Meira

Dómarar vilja skýr svör um sakhæfi Breivik

Fjölskipaður dómur dæmir í málinu gegn Anders Behring Breivik.

Í gær, 11:41 Dómararnir í máli Anders Behring Breivik hafa sent bréf til úrskurðarnefndar í réttarlæknisfræðum þar sem þess er óskað að nefndin gefi skýrari svör um hvort hún samþykki síðara geðmatið sem gert var á Breivik, en niðurstaða þess var að hann sé sakhæfur. Meira