Fjölskylda fjöldamorðingjans Mohameds Merah, 23 ára, hefur ekki getað komið sér saman um hvar eigi að leggja hann til hinstu hvílu. Hluti fjölskyldunnar vill að það verði í Frakklandi en aðrir í Alsír.

Mohamed Merah var skotinn til bana af sérsveit frönsku lögreglunnar í síðustu viku eftir rúmlega þrjátíu klukkustunda langt umsátur. Hann myrti sjö manns, þar af þrjú börn, í mars. 

Að sögn Abdallah Zekri, sem stýrir ráði múslíma í Frakklandi, óttast sumir í fjölskyldu hans að ef hann verði jarðaður í Frakklandi muni gröf hans aldrei fá að vera í friði og því fari betur á að jarða hann í  Alsír en fjölskylda hans er frá Alsír.

Zekri segir að bróðir Merah, Abdelghani Merah, hafi sagt að bróðir hans vildi hvíla í Frakklandi og að hann yrði jarðaður í kyrrþey.

Tengdar fréttir

Skotárás á gyðingaskóla í Frakklandi

Fékk 20 ár fyrir að hjálpa bróður sínum

• Bróðir morðingjans enn í haldi
• Otaði hnífi að nemanda
• Evrópa líkt og á tímum helfararinnar
• Handtóku samverkamenn morðingjans

» Fleiri tengdar fréttir

• Blogga um frétt