Ökumaður lestarinnar sem fór út af teinunum nærri spænsku borginni Santiago de Compostela á miðvikudag kemur fyrir dómara í dag. Francisco Jose Garzon Amo hefur verið í haldi lögreglu undanfarna daga vegna gruns um manndráp af gáleysi og mun dómari nú ákveða hvort formlega verði lögð fram ákæra í málinu. Garzon er grunaður um að hafa ekið lestinni allt að helmingi hraðar en leyfilegur hámarkshraði var á þessu svæði.

Garzon hlaut meiðsli á höfði í slysinu en var útskrifaður af sjúkrahúsi í gær. Hann var þegar færður á lögreglustöð í bænum. Hann hefur hingað til neitað að gefa út yfirlýsingu vegna málsins eða svara spurningum lögreglu.

BBC greinir frá.

Tengdar fréttir

Lestarslys á Spáni

Upptökur af ummælum lestarstjórans birtar

• Veit ekki hvað hann var að hugsa
• Lestarstjórinn var í símanum
• Fórnarlömb slyssins borin til grafar
• Ákærður fyrir 79 manndráp

» Fleiri tengdar fréttir

• 1 blogg um fréttina

Bloggað um fréttina

• Viggó Jörgensson: Gat ekki bremsað.