Cameron sagðist vera í liði Nigellu
Setja bókamerki
Dómarinn í máli Nigellu Lawson gegn tveimur fyrrverandi aðstoðarkonum hennar gagnrýnir David Cameron, forsætisráðherra Bretlands, vegna ummæla sem hann lét falla. Cameron sagðist vera í „liði með Nigellu“.
Þetta kemur fram í frétt Sky-sjónvarpsstöðvarinnar.
Kviðdómarar í málinu hafa fengið þau skilaboð frá dómaranum að taka ekki tillit til ummæla forsætisráðherrans. Cameron tjáði sig um Nigellu í viðtali í The Spectator og sagðist þar vera mikill aðdáandi sjónvarpskokksins.
Robin Johnson dómari sagði við kviðdómarana: „Það er synd að fólk í opinberum störfum tjái sig um fólk sem tengist dómsmálum sem eru í gangi.“
Cameron var spurður í viðtalinu hvort hann væri í liði Nigellu (e. Team Nigella) eins og stuðningsmenn hennar kalla sig. Hann svaraði: „Ég er það. Ég er mikill aðdáandi.“
Þá sagði hann: „Ég var þeirrar gæfu aðnjótandi að hitta hana nokkrum sinnum og hún kemur mér ávallt fyrir sjónir sem fyndin og hlý manneskja.“
Dómarinn ítrekaði í dag að kviðdómararnir ættu ekki að láta ummælin hafa áhrif á niðurstöðu sína.
Sennilega gróðureldur, ekki ný sprunga
Gosopið gæti stækkað á ný: „Eitthvað í aðsigi“
Þetta eru hjólaframkvæmdirnar sem unnið er að
Breytingar á skipulagi fréttadeildar RÚV
Fjöldi brota ríflega sexfaldaðist
Þyngri refsing fyrir að nauðga stjúpdóttur æskuvinar