Kona sem vann í fataverksmiðju, sem hrundi til grunna í Bangladess í apríl á síðasta ári og var föst í rústum hússins í fjóra sólarhringa, hefur svipt sig lífi. Konan hlaut alvarlega höfuðáverka er verksmiðjan hrundi. 1.135 manns létust í slysinu, sem er það mannskæðasta í iðnaðarsögu landsins.

Konan var 27 ára. Hún hengdi sig á heimili sínum í úthverfi höfuðborgarinnar Dakka.

Konunni var bjargað úr rústum Rana Plaza-byggingarinnar, fjórum dögum eftir að byggingin, sem var níu hæða há, hrundi til grunna.

Hún lá á sjúkrahúsi í nokkra mánuði. 

„Eftir að hún var útskrifuð, kvartaði hún ítrekað um gríðarlega höfuðverki,“ segir talsmaður lögreglunnar.  „Nágrannar sáu hana berja höfðinu í vegginn og hún hafði enga peninga til að kaupa sér lyf.“

Tengdar fréttir

Bangladess - fataiðnaðurinn

Fyrsti dómur af mörgum

• Rannsaka mannskæða sprengingu
• Enn enginn dæmdur vegna slyssins
• Vill að eigandinn sæti ábyrgð
• 140 verksmiðjum lokað vegna verkfalla

» Fleiri tengdar fréttir

• Blogga um frétt