„Einræðisstjórnin er fallin,“ sagði  Júlía Tímósjenkó, fyrrverandi forsætisráðherra Úkraínu og leiðtogi stjórnarandstöðunnar, er hún gat aftur um frjálst höfuð strokið í dag eftir að hafa verið veitt lausn úr fangelsi.

Það gerðist í kjölfar þingsályktunartillögu sem úkraínska þingið samþykkti þar sem fangelsisdómi sem hún hlaut árið 2011 var snúið við.

Tímósjenkó lét ummælin falla í yfirlýsingu sem hún birti á heimasíðu sinni.

Hún segir að það sé fólkinu sem fór út á götur til að verja sig, fjölskyldur sínar og landið að þakka að stjórnin sé nú fallin.

Þingið samþykkti jafnframt í dag að koma Viktor Janúkóvitsj, forseta landsins, frá völdum og flýta forsetakosningum í landinu, en samþykkt var að halda kosningar 25. maí nk.

Forsetinn segir að um valdarán sé að ræða.

Tengdar fréttir

Úkraína

Selenskí þakkar Norðurlöndum fyrir stuðninginn

• Kallar eftir hernaðaraðstoð við Úkraínu
• Styrkir varnargetu Úkraínu svo um munar
• Bjarni ræddi við Selenskí: Úkraína þarf „tæki og tól“
• Mikill viðbúnaður í Stokkhólmi vegna fundarins

» Fleiri tengdar fréttir

• 1 blogg um fréttina

Bloggað um fréttina

• Ómar Bjarki Kristjánsson: Áfall fyrir íslenska Andsinna.