Sýrlensk stjórnvöld hafa nú næstum því eytt tveimur þriðju hlutum efnavopna sinna, að sögn alþjóðlegu efnavopnastofnunarinnar OPCW í Haag. Samkomulag Bandaríkjamanna og Rússa gerir ráð fyrir því að eyðingu efnavopna Sýrlendinga verði lokið fyrir lok júnímánaðar í sumar.

Enn er því mikið verk fyrir höndum, að því er segir í frétt AFP um málið, en ráðamenn eru bjartsýnir á að takmarkið náist.

OPCW hefur yfirumsjón með því að fjarlægja efnavopnin og í kjölfarið að eyða þeim.

Ahmet Uzumcu, yfirmaður OPCW, hefur sagt að ferlið gangi hægar fyrir sig vegna tæknilegra vandamála og sem og þeirra erfiðleika sem fylgi því að starfa á átakasvæði.

Hann hefur enn fremur bent á að búið sé að grípa til viðeigandi ráðstafana til að auðvelda flutninginn. Hófust flutningar á efnavopnunum á ný eftir hlé í byrjun aprílmánaðar.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt