Foreldrar Ashya í gæsluvarðhaldi

Foreldrar Ashya King, fimm ára gamals drengs með heilaæxli sem fluttur var af sjúkrahúsi í Bretlandi án leyfis lækna, eru nú í haldi lögreglu. Þau komu fyrir dómara á Spáni fyrr í dag en samþykktu ekki að vera flutt aftur til Bretlands. Fólkið mun sitja í gæsluvarðhaldi næstu 72 klukkustundirnar.

Gefin var út alþjóðleg handtökuskipun eftir að parið fór með fárveikan son sinn, sem er með heilaæxli, af sjúkrahúsi í Bretlandi. Drengurinn dvelur nú á sjúkrahúsi á Malaga á Spáni þar sem hann fannst í íbúð ásamt foreldrum sínum á laugardaginn.

Elsti bróðir Ashya, Danny King, sagði í samtali við breska ríkisútvarpið, BBC, að hann fengi að heimsækja hann í kvöld. Hin systkini hans hafa ekki fengið að heimsækja drenginn, en lögregla vaktar stofuna þar sem hann dvelur.

Í mynd­skeiði sem faðir­inn birti á YouTu­be seg­ist hann hafa tekið dreng­inn af sjúkra­hús­inu þar sem hann var ekki ánægður með umönn­un hans þar. King sagði að hann vildi að son­ur hans fengi lækn­is­hjálp í öðrum lönd­um. Þar er lækn­is­meðferð sem ekki er í boði í breska heil­brigðis­kerf­inu.

Farið fram á framsal fjölskyldunnar

Faðirinn birti myndskeið af Ashya

Ashya fannst á Spáni

• Blogga um frétt