Verk flæmska listamannsins Frans Verbeeck, Hekeling van de dwaasheden van de mens, var selt á þrjár milljónir evra, 460 milljónir króna, á uppboði í Vín í gærkvöldi. Þetta er hæsta verð sem fengist hefur fyrir listaverk á uppboði í Austurríki og eins hefur verk Verbeecks aldrei farið á jafn háa fjárhæð áður.
Hart var barist um verkið á uppboðinu en það var flæmskur ónafngreindur einstaklingur sem hneppti hnossið að lokum. Fyrir uppboðið hafði það verið metið á 900-1200 þúsund evrur.