Paulina Vega var í gær valin Ungfrú heimur en hún kemur frá Kólumbíu. Vega var valin úr hópi 87 kvenna frá öllum heimshornum en keppnin fór fram í Flórída í Bandaríkjunum.
Er þetta í annað skiptið sem keppandi frá Kólumbíu hlýtur titilinn en það var síðast árið 1958.
Vega er 22 ára gömul fyrirsæta og viðskiptafræðinemi. Vega felldi tár er hún tók á móti krúnunni. Í öðru sæti var Nia Sanchesz, ungfrú Bandaríkin.
Fékk Vega 9,9 í einkunn í öllum einkunnagjöfum í keppninni um Ungfrú Kólumbíu. Hún er 180 sentímetrar á hæð.
Ungfrú Úkraína, Diana Harkusha, Ungfrú Holland, Yasmin Verheijen, og Ungfrú Jamaíka, Kaci Fenell, urðu ásamt Ungfrú Bandaríkjunum í sætum tvö til fjögur.
Meðal dómara í ár voru þeir Emilio Estefan, kúbverska sápuóperustjarnan William Levy og filippseyski boxarinn Manny Pacquiao.