Erlent | mbl | 27.1.2015 | 7:41 | Uppfært 10:11

Neyðarástand í New York og Boston

Mynd 1 af 13 Snjóplógur keyrir um Times Square í New York borg í nótt. AFP

Mynd 2 af 13 Neyðarástandi hefur verið lýst yfir í New York borg. AFP

Mynd 3 af 13 Þessi maður náði þó að hjóla á Times Square í gærkvöldi. AFP

Mynd 4 af 13 Hópur af Texas búum léku sér í snjónum í New York borg í gærkvöldi. AFP

Mynd 5 af 13 New York búar gripu tækifærið og fóru í snjókast. AFP

Mynd 6 af 13 AFP

Mynd 7 af 13 Það var meira að segja náð í skíðin inn í geymslu. AFP

Mynd 8 af 13 Allt neðanjarðarlestarkerfi New York borgar er lokað vegna veðurs. AFP

Mynd 9 af 13 Skokkari lét ekki neyðarástandið stöðva sig í Boston í gærkvöldi. EPA

Mynd 10 af 13 Starfsmaður borgarinnar bræðir snjó í Boston í gærkvöldi. EPA

Mynd 11 af 13 Einn á skíðum á Times Square AFP

Mynd 12 af 13 Vetrarveður í New York EPA

Mynd 13 af 13 Snjókoma í borginni í gærkvöldi. AFP

Neyðarástandi hefur nú verið lýst yfir í bandarísku ríkjunum New York, New Jersey, Rhode Island, Connecticut, New Hampshire og Massachusetts vegna snjókomu og byls.

Bandaríska veðurstofan hefur kallað bylinn „lamandi og hugsanlega sögulegan“. Um 6.500 flugferðum hefur verið aflýst vegna veðursins og 1.700 jafnframt frestað.

Ríkisstjóri Massachusetts, Charlie Baker, hefur varað íbúa við og sagt að það yrði „mjög erfitt, jafnvel ómögulegt, að ferðast um“ vegina. Jafnframt hefur verið varað við mögulegu rafmagnsleysi.

Byrjaði að snjóa á norðausturströndinni í morgun en spáð er að snjódýpt verði um 72 sentímetrar í New York, 60 sentímetrar í Boston og 30 sentímetrar í Fíladelfíu.

Neðanjarðarlestarkerfi New York-borgar hefur verið lokað og flestum almenningsskólum í borginni. Búið er jafnframt að banna alla umferð í borginni nema forgangsakstur neyðaraðila. Svipuð bönn hafa verið sett í Connecticut og New Hampshire. Samkvæmt frétt BBC gæti veðrið haft áhrif á 60 milljónir manna í borginni.

Bylurinn raskar daglegu lífi

Eiga von á 90 cm djúpum snjó