Ríkisstjórn Jórdaníu leitar nú eftir sönnunum á því að jórdanskur flugmaður, sem er í haldi Ríkis íslams sé enn á lífi. Er íraskur fangi, sem samtökin vilja fá lausann í staðinn fyrir flugmanninn enn í haldi í Jórdaníu. Ef fanganum verður ekki sleppt er flugmaðurinn tekinn af lífi.
Samtökin eru einnig með japanskan blaðamann í haldi og hafa einnig hótað honum lífláti.
Í hljóðupptöku sem gefin var út í gær heyrist rödd sem segist vera Japaninn Kenji Goto. Í upptökunni segir hann að fangarar hann muni drepa flugmanninn Maaz al-Kassasbeh, ef íraska fanganum yrði ekki sleppt við landamæri Tyrklands og Sýrlands fyrir sólsetur í gær.
Samkvæmt frétt BBC er íraski fanginn enn í haldi og hafa engin skipti átt sér stað. Er leitað sannanna á því að flugmaðurinn, Moaz al-Kasasbeh sé á lífi. Fjölskylda hans segist eiga heimildarmenn sem halda því fram að hann hafi verið á lífi stuttu fyrir sólsetur í gær.
Óljóst er hvort að báðum föngunum, Goto og al-Kasasbeh, verði sleppt ef gengið er að kröfum hryðjuverkamannanna.
Fyrri fréttir mbl.is.
Jórdanar samþykkja fangaskiptin
Myrða gíslana innan sólarhrings