Yfir tvö hundruð flóttamanna er saknað á Miðjarðarhafi eftir að bátar þeirra sukku að sögn flóttafólks sem lifið sjóslysið af.
Alls komust níu á lífi til lands á ítölsku eyjunni Lampedusa í morgun en yfir 200 voru um borð í tveimur jullum þegar þær lögðu úr höfn í Líbíu á laugardag.
Talskona flóttamannaaðstoðar Sameinuðu þjóðanna á Ítalíu, Carlotta Sami, skrifar á Twitter að níu hafi verið bjargað eftir fjóra daga á hafi en öldurnar soguðu hina 203 til sín.
Samkvæmt upplýsingum frá flóttamannastofnun á vegum Sameinuðu þjóðanna, International Organization for Migration, tala flóttamennirnir sem lifðu af frönsku svo þeir eru væntanlega frá ríkjum Vestur-Afríku, svo sem Fílabeinsströndinni og Senegal.
„Vegna slæmra veðurskilyrða hvolfdi jullunum og fólkið hafnaði í sjónum. Margir drukknuðu,“ segir yfirmaður hjá IOM, Flavio Di Giacomo.