Undanfarinn sólarhring hafa 933 flóttamenn komið að landi á ítölsku eyjunni Lampedusa síðasta sólarhringinn sem þýðir að yfir 3.800 hefur verið bjargað á Miðjarðarhafi frá því á föstudag.

Meðal þeirra sem hafa staðið í ströngu við björgunarstörf á Miðjarðarhafi er áhöfn varðskipsins Týs sem hefur staðið vaktina frá því í nóvember á vegum Frontex landamæraverkefnisins.

Um þúsund flóttamenn bíða nú aðstoðar á Lampedusa en aðstaðan þar er miðuð við um að aðstoða um 400 manns. Enn fleiri eru í bænum Pozzallo á Sikiley. 

Á sunnudag stýrði ítalska landhelgisgæslan víðtækum björgunaraðgerðum þar sem yfir tvö þúsund flóttamönnum í neyð var bjargað á sjóleiðinni milli Lampedusa og strandar Líbíu.

Þann sama dag greindu ítölsk yfirvöld frá því að þau væru að flytja allt starfsfólk sitt og að loka sendiráði sínu í Líbíu sem sýnir hvernig ástandið þar er, að því er segir í nýju fréttaskeyti frá alþjóðlegum flóttamannasamtökum.

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• 1 blogg um fréttina

Bloggað um fréttina

• Jón Aðalsteinn Jónsson: Misheppnaðar aðgerðir.