Fjarlægði nöfn skyldmenna sinna

George Papaconstantinou, fyrrverandi fjármálaráðherra Grikklands, hefur verið sakfelldur fyrir að afmá nöfn frændfólks síns af lista sem hafði að geyma nöfn hugsanlegra skattsvikara þar í landi.

Dómstóll í Grikklandi dæmdi hann í síðustu viku í eins árs skilorðsbundið fangelsi. Hins vegar var hann sýknaður af ákæru um trúnaðarbrest í starfi sínu.

Skattalistinn var listi yfir eigendur bankareikninga í svissnesku útibúi breska bankans HSBC. Ríkisstjórn Papaconstantinos var harðlega gagnrýnd fyrir að beita sér ekki gegn einstaklingunum sem voru að finna á listanum.

• Blogga um frétt