Réttarhöld hófust í dag yfir 69 flokksmönnum nýnasistasamtakanna Gullin dögun í Grikklandi, en hvorki leiðtogi flokksins né aðrir nafntogaðir þingmenn hans voru viðstaddir. Réttarhöldin fara fram í sérsmíðuðum réttarsal í öryggisfangelsi í Aþenu.
Lögmenn Nikos Michaloliakos, stofnandi Gullinnar dögunnar, og annarra þingmanna gáfu enga skýringu á fjarveru skjólstæðinga sinna, en leiðtoginn og hægri hönd hans, Christos Pappas, höfðu verið leystir úr haldi eftir 18 mánuði í fyrirbyggjandi varðhald.
Aðeins um 40 ákærðu voru viðstaddir þegar réttarhöldin hófust.
Ákæruliðirnir gegn Michaloliakos og félögum eru fjölmargir, en þeir hafa m.a. verið sakaðir um morð og þátttöku í skipulagðri glæpastarfsemi. Gert er ráð fyrir að réttarhöldin muni standa yfir í marga mánuði og að þau muni ráða úrslitum um framtíð flokksins, sem er sá þriðji stærsti í landinu.
Mannréttindasinnar höfðu stefnt fólki að fangelsinu í dag, til að skyggja á stuðningsmenn Gullinnar dögunnar.