Hryðjuverkasamtökin Ríki íslams hafa lýst yfir ábyrgð á árásinni í Texas á sunnudagskvöldið. Þetta er fyrsta aðgerð samtakanna í Bandaríkjunum. Árásarmennirnir voru skotnir til bana af lögreglu en þeir höfðu skotið á öryggisvörð við Curtis Culwell-miðstöðina við skóla í Garland, útborg Dallas, á sunnudagskvöldið.
AFDI, samtök sem efnt höfðu til verðlaunasamkeppni um skopteikningar af Múhameð spámanni til að leggja áherslu á tjáningarfrelsið, voru á fundi í skólanum á sunnudag.
Í tilkynningu frá Ríki íslams kemur fram að tveir hermenn kalífadæmisins hafi verið teknir af lífi í árás sem gert var á listasýningu í Garland, Texas. Á sýningunni var dreginn upp neikvæð mynd af Múhameð spámanni, segir í tilkynningu.
„Við segum ykkur Bandaríkjamenn að það sem er í vændum er jafnvel stærra og hatrammara og að þið munið sjá hermenn Ríkis íslams fremja voðaverk,“ segir ennfremur í tilkynningunni.
Þetta er í fyrsta skipti sem Ríki íslams lýsir yfir ábyrgð á árás í Bandaríkjunum.
Hafði verið grunaður um hryðjuverk