Kona dæmd fyrir barnaníð

Þriggja barna áströlsk móðir hefur verið dæmd í sex ára fangelsi fyrir barnaníð en hún hafði a ítrekað kynmök við ungan pilt. Kynferðisofbeldið stóð yfir í tvö ár og eignaðist hún barn með drengnum sem var tólf ára gamall þegar ofbeldið hófst.

Þegar héraðsdómari í Victoria kvað upp dóminn í morgun sagði hann að konan hefði svipt drenginn barnæskunni.

Við réttarhöldin kom fram að árið 2011 fór konan að keyra dóttur sína, tólf ára, og vin hennar í skólann. Konan var 36 ára gömul á þeim tíma. Hún viðurkenndi að hún hefði borið tilfinningar til drengsins og að þau hafi átt í ástarsambandi án þess að hafa notað getnaðarvarnir.

Samkvæmt dagblaðinu Melbourne Age stóð ofbeldið yfir í tvö ár og fæddi konan stúlku í maí í fyrra er drengurinn var fjórtán ára gamall. Þegar foreldrar hans komust að sambandinu tilkynntu þau brot konunnar til lögreglu. Lífsýni sýna að hann er faðir barnsins.

• Blogga um frétt