Talið er að átta óbreyttir borgarar, þar af fimm börn og tvær konur, hafi látið lífið í loftárás Bandaríkjamanna og bandamanna þeirra nýverið á vopnabúr vígamanna í Sýrlandi sem tengdir eru hryðjuverkasamtökunum al-Kaída.
Fram kemur í frétt AFP að samkvæmt upplýsingum frá mannréttindasamtökunum Syrian Observatory for Human Rights hafi 18 manns týnt lífi í árásinni þar af tíu vígamenn. Búðir fyrir flóttamenn séu í nágrenni vopnabúrsins en þær hafi ekki orðið fyrir árás. Hins vegar hafi komið á óvart að nokkrir óbreyttir borgarar hafi komið sér fyrir skammt frá því.
Mikil sprengin varð þegar vopnabúrið varð fyrir árásinni en þar voru meðal annars framleidd fallbyssuskot og eldflaugar.