Hækkun varð á hlutabréfamörkuðum vestanahafs í dag, annan daginn í röð, en góðar fregnir heimafyrir bættu enn á bjartsýni fjárfesta eftir upplífgandi þróun á asískum og evrópskum mörkuðum.

Hækkun Dow Jones-vísitölunnar nam 2,27%, S&P-vísitalan hækkaði um 2,43% og Nasdaq um 2,45%.

Stjórnvöld vestanhafs tilkynntu í dag að hagvöxtur á öðrum ársfjórðungi hefði numið 3,7% á ársgrundvelli, en gert hafði verið ráð fyrir 2,3% vexti.

Fregnirnar komu á hæla 5,34% hækkunar á mörkuðum í Shanghai, en þar með lauk versta fimm daga undanhaldi fjárfesta í tvo áratugi.

Bjartsýni virðist vera að aukast í kjölfar tveggja daga hækkunar vestahafs og hækkaði olíuverð um 10%.

Tengdar fréttir

Óróleiki á hlutabréfamörkuðum

Seðlabankinn rannsakar verklag söluráðgjafa

• Verðlækkun á mörkuðum
• Hiksti í Kína sendir óróleikabylgju
• Umtalsverð hækkun á mörkuðum
• Fjárfestar anda léttar

» Fleiri tengdar fréttir

• Blogga um frétt