Byssumaðurinn sem skaut tíu manns til bana í háskóla í Oregon-ríki í Bandaríkjunum lést af völdum skotsára sem hann hlaut þegar lögregla réðst til atlögu gegn honum til þess að yfirbuga hann. Þetta staðfestir lögreglustjórinn John Hanlin í samtali við CNN.
Samkvæmt þeim upplýsingum sem liggja fyrir um skotárásina létust tíu manns og yfir 20 særðust þegar byssumaðurinn hóf skotárásina í Umpquca-háskóla í Oregon-ríki.
Frétt mbl.is: Tíu skotnir til bana í bandarískum háskóla
Lögregla rannsakar nú árásina og tildrög hennar, og skoðar m.a. færslur sem hinn grunaði, sem talinn er vera á þrítugsaldri, setti á samfélagsmiðla fyrir árásina.
Kvöldið fyrir árásina er hinn meinti byssumaður talinn hafa átt samtal við aðra á samfélagsmiðlum um fyrirætlanir sínar, samkvæmt heimildamanni CNN.