Samtökin Wikileaks hafa komist yfir AOL tölvupósta John Brennan, æðsta yfirmanns bandarísku leyniþjónustunnar, og hyggjast birta þá innan skamms. Þetta tilkynntu samtökin á Twitter í dag.

Tölvuþrjótarnir sem brutust inn á aðgang Brennan kalla sig Crackas With Attitude. Þeir gortuðu af afrekinu á Twitter og birtu í kjölfarið skjáskot þar sem sjá mátti kennitölur, farsímanúmer og netföng. Samkvæmt Guardian virðast símanúmerin og netföngin ófölsuð.

Þrjótarnir segja að meðal gagna í tölvupóstinum hafi verið 47 síðna umsókn um öryggisaðgang. Bandarísk yfirvöld sögðu hins vegar í samtali við CNN að í póstinum hefði ekki verið að finna trúnaðargögn.

Fjöldi Twitter-aðganga tengdum CWA hefur verið lokað en einn er enn virkur undir notendanafninu @phphax. Einn tölvuþrjótur sem setti sig í samband við New York Post, sagðist vera framhaldsskólanemi, ekki múslimi en á móti utanríkismálastefnu Bandaríkjanna. Þá sagðist hann stuðningsmaður Palestínu.

 Frétt mbl.is: Brotist inn í tölvupóst Brennan?

Tengdar fréttir

Wikileaks - Julian Assange

Íhugar að fella niður ákærur á hendur Assange

• Assange vill mæta í jarðarför Westwood
• Assange veikur í fangelsi
• Assange áfrýjar ákvörðun breskra stjórnvalda
• Vilja að Assange verði sleppt úr fangelsi

» Fleiri tengdar fréttir

• Blogga um frétt