Ræða hvort banna eigi Trump
Setja bókamerki
Neðri deild breska þingsins mun þann 18. janúar ræða hvort banna eigi Donald Trump, frambjóðanda í forvali repúblikana fyrir forsetakosningarnar, að koma til landsins.
Umræða fór af stað í Bretlandi um hvort rétt sé að meina Trump aðgangi að landinu eftir að hann lagði til að meina öllum múslímum aðgangi að Bandaríkjunum. Fór þá af stað undirskriftasöfnun og hafa nú um 560 þúsund undirskriftir safnast.
Undirskriftanefnd breska þingsins hefur nú farið yfir undirskriftirnar og rætt málið og komist að þeirri niðurstöðu að ræða eigi málið á þinginu þann 18. janúar.
Breska ríkisstjórnin sendi fyrir áramót frá sér yfirlýsingu eftir að 500 þúsund undirskriftir höfðu safnast. Í yfirlýsingunni kom fram að innanríkisráðherra landsins hafi heimild til að meina einstaklingi aðgang að landinu, stríði vera þeirra í landinu gegn almannahag.
Í yfirlýsingunni sagði jafnframt að það séu ekki sjálfsögð réttindi að fá að koma til Bretlands, heldur forréttindi Að innanríkisráðherrann muni halda áfram að nota það vald sem henni er falið til þess að koma í veg fyrir að þeir sem ætli sér að skaða samfélagið og deila ekki grunngildum þess, komist til landsins.
David Cameron, forsætisráðherra Bretlands, tók harða afstöðu gegn ummælum Trumps skömmu eftir að þau féllu. Hann tók þó einnig fram að hann vilji ekki meina Trump að koma til landsins.
Sjá frétt The Guardian.
Sjá frétt mbl.is: Útiloka ekki að banna Trump
Vilja selja fyrir tæpa 13 milljarða í Íslandshótelum
Mengað jarðefni geymt á Sævarhöfða
Baldur hefur ekki áhyggjur
Um 60 skjálftar í kvikuganginum
Barnalög endurskoðuð til að bregðast við
Þyrla kölluð út vegna umferðarslyss
„Ekki við hæfi að blanda sér í umræðu um ritstjórn RÚV“
Að flytja á Álftanes var skrifað í skýin