Erlent | mbl | 5.3.2016 | 15:42

Virtur þjálfari átti mikið magn dýrakláms

Lögregla fann mörg hundruð klámfengnar myndir af dýrum og börnum í fórum Liam Fishers, sem var áður mikilsmetinn þjálfari í hestaíþróttum. Skjáskot/The Telegraph

Mikilsvirtur þjálfari í hestaíþróttum, sem m.a. hefur unnið með knöpum sem unnið hafa til gullverðlauna á Ólympíuleikunum, hefur verið dæmdur í tæplega tveggja og hálfs árs fangelsi og skráður sem kynferðisbrotamaður til tíu ára.

Eftir að lögregla í Isle of Wight í Bretlandi fann tengingu Liam Fishers við mann sem lögregla hafði handtekin framkvæmdi hún húsleit á heimili Fishers þar sem fundust 219 grófar ljósmyndir af konum og körlum í kynferðislegum athöfnum með dýrum; hestum og hundum. Þá fundust 182 ljósmyndir og myndbönd, mestmegnis af drengjum frá ungabarnsaldri upp í 16 ára, í kynferðislegum athöfnum.

Í frétt The Telegraph af málinu segir að fyrir dómi hafi Fisher játað brot sín skilyrðislaust og sagði verjandi hans að Fisher skammaðist sín mjög fyrir brot sín og að hann reyndi ekki að réttlæta þau með neinum hætti. Hann sagði að sambandsslit sem Fisher gekk í gegnum hafi haft slæm áhrif á hann. Missti hann vinnuna sína, heimili sitt og leiddi til tilfinningalegs- og kynferðislegs óstöðugleika.