Stjórnvöld í Þýskalandi og Austurríki sögðu í dag að þau ættu í viðræðum við framkvæmdastjórn Evrópusambandsins um að framlengja heimild til þess að halda áfram landamæraeftirliti gagnvart öðrum ríkjum sambandsins sem komið var á á síðasta ári.

„Ég get staðfest að við erum í viðræðum við framkvæmdastjórn ESB og samstarfsríki okkar í Evrópu í þessum efnum,“ er haft eftir Karl-Heinz Grundböck, talsmanni austurríska innanríkisráðuneytisins í frétt AFP. haft er eftir innanríkisráðherra Þýskalands, Thomas de Maiziere, að ríki ESB yrðu að geta haldið áfram að stjórna landamærum sínum.

„Jafnvel þó aðstæður á Balkanskaganum séu með rólegra móti um þessar mundir þá höfum við miklar áhyggjur af stöðu ytri landamæranna,“ sagði ráðherrann og vísaði til ytri landamæra Schengen-svæðisins sem Ísland er meðal annars aðili að.

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Mikilvæg bók um múslíma og vandræði vesturlanda