Japönsk poppstjarna er alvarlega særð eftir að aðdáandi stakk hana ítrekað en hún hafði hafnað gjöf frá honum. Mayu Tomita var stungin ítrekað í háls og bringu á meðan hún beið þess að koma fram á litlum tónleikum í Koganei í Tókýó. Tomita er tvítug.
Að sögn lögreglu var 27 ára gamall maður, Tomohiro Iwazaki, handtekinn á staðnum með blóðugan hníf.
Er því haldið fram í japönskum miðlum að Iwazaki hafi stungið söngkonuna því hún skilaði gjöf sem hann sendi henni.
Tomita hafði nýlega tilkynnt til lögreglu að Iwazaki væri að hrella hana á netinu.