Sextán börn brunnu inni

Sextán börn voru meðal þeirra 38 sem létust í eldsvoða í Madagaskar á laugardag. Verið var að halda innflutningsveislu í húsi með stráþaki er eldurinn braust út og fólkið brann inni.

Veislan var haldin í húsi í þorpinu Ambalavato. Fólkið gat ekki forðað sér út. Meðal þeirra sem lést var eigandi hússins og ættingjar og vinir hans. 

39 voru inni í húsinu er það kviknaði í því. Einn ungur drengur, fjórtán ára að aldri, náði að forða sér út um glugga. Eldurinn er talinn hafa kviknað út frá eldstæði sem notað var til að elda veislumatinn. 

• Blogga um frétt