Sólarhring áður en átti að deyða köttinn BenBen með svæfingu bjargaði honum par sem hafði séð mynd af honum. Á myndinni var BenBen sérstaklega eymdarlegur og hlaut því viðurnefnið „sorgmæddasti köttur internetsins“.

BenBen dvaldi í dýraathvarfi í Kanada. Talið er að hann hafi orðið fyrir árás annars dýrs. Hann var illa farinn, margbrotinn og vannærður. 

Starfsmenn dýraathvarfsins birtu mynd af honum sem fór eins og eldur í sinu um netið. Þeir sögðu að svo virtist sem hann vissi að dagar hans væru taldir. Hann hvorki át né drakk og hreyfði sig ekki úr stað.

En svo gerðist kraftaverkið.

Kona sem vinnur á bráðamóttöku á dýralæknastofu ákvað að ættleiða hann. „Við náðum að fá hann til okkar, á framtíðarheimilið sitt, áður en hann var svæfður,“ segir konan í viðtali við kattasíðuna LoveMeow.

Tengdar fréttir

Krúttleg dýr

Úr fatahönnun í nám í dýrahjúkrun

• Íslenskir hestar og hundar frá Gasa á JFK-flugvelli
• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið

» Fleiri tengdar fréttir

• Blogga um frétt