Hundruð þúsunda mótmæltu Trump
Setja bókamerki
Hundruð þúsunda streymdu út á götur borga í Bandaríkjunum í dag og tóku þátt í mótmælum kvenna daginn eftir að Donald Trump sór embættiseið. Bæði konur og karlar tóku þátt, fólk á öllum aldri, frægir sem minna þekktir.
Í höfuðborginni, Washington DC, var gangan fjölmennust og sýna mælingar að 275 þúsund manns höfðu ferðast með lestum, neðanjarðarlestum og strætisvögnum borgarinnar fyrir klukkan 11 í morgun að staðartíma. Það eru tæplega 50% fleiri en á sama tíma í gær þegar Trump sór embættiseiðinn.
Aðstoðarborgarstjóri Washington, Kevin Donahue, segir að talið sé að frá 300 þúsund til hálf milljón hafi tekið þátt í mótmælunum en borgaryfirvöld gefa ekki upp opinberar tölur með fjölda göngumanna.
Fjölmenn mótmæli voru víðar, í borgum eins og Boston, New York, Denver og Chicago en Chicago Tribune áætlar að 150 þúsund hafi tekið þátt þar.
Skemmtiferðaskip hætt komið nærri Viðey
Eyjafjarðarbraut lokað vegna alvarlegs umferðarslyss
Væri að ljúga ef ég segðist ekki stressaður
Shakespeare fannst í skókassa
Handteknir eftir myndatöku í Vesturbæjarlaug
Banna mengandi búnað sem leyfður er á Íslandi
Sex hafa greinst með listeríu
Krefjast stöðvunar framkvæmda