Jarðskjálfti sem mældist 7,9 stig reið yfir Papúa Nýju-Gíneu í nótt og var gefin út flóðbylgjuviðvörun fyrir ríkið og nágrannaríki þess á Kyrrahafi. Viðvörunin var fljótlega afturkölluð.
Upptök skjálftans voru á miklu dýpi vestur af eyjunni Bouginvelle klukkan 4:30 í nótt að íslenskum tíma. Flóðbylgjuviðvörunin var bæði gefin út fyrir Papúa Nýju-Gíneu-eyjar og Salómonseyjar. Var það gert í öryggisskyni þrátt fyrir að skjálftinn hafi átt upptök sín á mjög miklu dýpi þar sem styrkur skjálftans var það mikill.