Leiðtogar Atlantshafsbandalagsins munu hittast í Brussel 25. maí. Þetta verður fyrsti leiðtogafundurinn síðan Donald Trump var kjörinn Bandaríkjaforseti en hann hefur gagnrýnt stofnunina harðlega.
Að sögn talsmanns NATO verður rætt um „hlutverk bandalagsins í baráttunni gegn hryðjuverkum, mikilvægi aukins fjármagns til varnarmála og að byrðum verði deilt á sanngjarnari hátt“.
Trump skapaði usla í Evrópu þegar hann sagði að NATO væri úrelt stofnun sem hefði mistekist að takast á við ógn af völdum íslamskra öfgasamtaka.
Trump hefur einnig sakað Þjóðverja um að skulda NATO „gífurlegar fjárhæðir“.