Indverski herinn rannsakar nú ásakanir um að hermenn hafi bundið mann við jeppabifreið hersins í Kashmir-héraði og notað hann sem mennskan skjöld svo mótmælendur myndu ekki grýta bílinn með steinum.
Stutt myndskeið sem sýnir ónefndan mann bundinn við jeppabifreið fékk mikla útbreiðslu á samfélagsmiðlum í dag, en þar er keyrt í gegnum Budgam-svæðið í Kashmir sem er undir stjórn Indlands. Bæði Pakistan og Indland gera tilkall til svæðisins og hafa átök verið tíð þar.
Í vikunni skutu hermenn á þúsundir mótmælenda sem mótmæltu indverskri stjórn héraðsins. Átta létust og tugir særðust þá í mótmælunum, sem tengdust kosningum í héraðinu. Meðal hinna særðu voru hermenn sem voru grýttir af mótmælendum.
Omar Abdullah, stjórnarandstöðuleiðtogi á svæðinu, sagði á Twitter í dag að myndskeiðið væri sjokkerandi.
Í frétt AFP er haft eftir mannréttindasamtökum á svæðinu að indverski herinn hafi notað þessa aðferð síðan í lok níunda áratugarins til að verjast árásum frá mótmælendum. Með tilkomu samfélagsmiðla séu þessi atvik hins vegar að komast í umræðuna.
Here's the video of the Kashmiri boy tied to the front of an Army jeep and used as a human shield in Gundipora, Beerwah. @TimesNow? @NewsX? pic.twitter.com/wW2yns2RN3
— Junaid Azim Mattu (@Junaid_Mattu) April 14, 2017