Fengi tæpan helming atkvæða

Theresa May, forsætisráðherra Bretlands og leiðtogi breska Íhaldsflokksins.
Theresa May, forsætisráðherra Bretlands og leiðtogi breska Íhaldsflokksins. AFP

Breski Íhaldsflokkurinn hefur 48% fylgi samkvæmt niðurstöðum nýrrar skoðanakönnunar fyrirtækisins YouGov en boðað hefur verið til þingkosninga í Bretlandi 8. júní. Fylgi flokksins var 44% í síðustu könnun samkvæmt frétt breska dagblaðsins Daily Telegraph. Könnunin er sú fyrsta sem fyrirtækið gerir eftir að fyrir lá að kosningar færu fram í sumar.

Fylgi Íhaldsflokksins er tvisvar sinnum meira en fylgi Verkamannaflokkins, sem er með næstmest fylgi, en fylgi síðarnefnda flokksins mælist 24%. Frjálslyndir demókratar eru þriðji stærsti flokkurinn með 12% og Breski sjálfstæðisflokkurinn (UKIP) mælist með 7% en var áður 10%.

Fram kemur í fréttinni að svo virðist sem Íhaldsflokkurinn sé að taka fylgi frá Breska sjálfstæðisflokknum en helsta stefnumál þess síðarnefnda er að Bretland gangi úr Evrópusambandinu sem er nú helsta stefnumál íhaldsmanna eftir þjóðaratkvæðið síðasta sumar þar sem meirihluti breskra kjósenda samþykkti að segja skilið við sambandið.

Önnur skoðanakönnun fyrirtækisins ComRes bendir til þess að Íhaldsflokkurinn sé með 46% fylgi og Verkamannaflokkurinn 25%. Stjórnmálaskýrendur gera ráð fyrir að Íhaldsflokkurinn vinni stórsigur í kosningunum á sama tíma og Verkamannaflokkurinn tapi miklu fylgi frá síðustu kosningum þegar flokkurinn hlaut 30% fylgi. Þá var fylgi Íhaldsflokksins 37%.

mbl.is

Frá Sýrlandi til Evrópu - Greinaflokkur

Iðnaðarhúsnæði óskast
Erum að leita af iðnaðarhúsnæði til leigu, 200-400m2 á höfuðborgarsvæðinu með há...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
A2B Verktakar
Erum með faglærða aðila í öllum iðngreinum, ertu að flytja og vantar iðnarmann ...
Trúlofunar- og giftingarhringar í úrvali
Auk gullhringa eigum við m.a. titanium og silfurpör á fínu verði. Sérsmíði, vönd...
 
Félagsstarf
Staður og stund
Aflagrandi 40 Opin vinnustofa kl 9, fore...
Tilboð óskast skólavegi
Húsnæði í boði
TILBOÐ ÓSKAST í húseignina Skólaveg 3 ...
Aðalskipulag breyting
Tilkynningar
Kynning á tillögum um breytingar á a...
Onik 2017 20 skýli fyrir hleðslustöðvar
Tilboð - útboð
/ 14.12.2017 Útboð Orka náttúrunn...