Vilhjálmur Bretaprins og Katrín Middleton, hertogahjónin af Cambridge, hafa birt mynd af dóttur sinni Karlottu til að marka 2 ára afmæli prinsessunnar á morgun. Á myndinni sést Karlotta utandyra við Anmer Hall, heimili fjölskyldunnar í Norfolk.
Í yfirlýsingu frá Kensington-höll, heimili hertogahjónanna í Lundúnum, þakka þau allar kveðjur sem þeim hafa borist og segjast vonast til þess að allir njóti myndarinnar af Karlottu jafnmikið og þau gera.
Myndina af prinsessunni tók móðir hennar.