Það verður séð til þess að Donald Trump fái uppáhaldsmatinn sinn og að hann fái tíma á hverjum degi til að hvíla sig í fyrstu opinberu heimsókn sinni til útlanda sem forseti Bandaríkjanna.
Opinbera heimsóknin hófst í Sádi-Arabíu á föstudag en Trump mun ásamt eiginkonu sinni, Melaniu Trump, einnig heimsækja Ísrael, Vatíkanið, Palestínu, Brussel og Sikileyjar.
Trump átti að fá uppáhaldsmatinn sinn í Sádi-Arabíu; steik með tómatsósu. Auk þess átti hann að fá hefðbundinn mat heimamanna.
Starfsmenn forsetans hafa varið talsverðum tíma í að skipuleggja daga forsetans þannig að hann geti slappað eitthvað af á hverjum degi í níu daga ferðinni.
Þetta er í fyrsta skipti síðan Trump tók við sem forseti sem hann eyðir nótt fjarri Hvíta húsinu.