Hvað gerist ef spárnar rætast?

Jeremy Corbyn og Theresa May á kjörstöðum í dag.
Jeremy Corbyn og Theresa May á kjörstöðum í dag. AFP

Útgönguspár fyrir bresku þingkosningarnar gefa til kynna að enginn flokkur muni hafa hreinan meirihluta á þinginu. Slíkt er afar fátítt og hefur aðeins gerst fimm sinnum frá lokum 19. aldar.

Hér eftirfarandi er það sem gerist næst ef útgönguspárnar rætast:

650 sæti eru á breska þinginu og þarf stjórnmálaflokkur því 326 sæti til að tryggja sér hreinan meirihluta. Samkvæmt útgönguspá breska ríkisútvarpsins BBC, sem taka ber þó með vissum fyrirvara, mun Íhaldsflokkurinn fá 314 þingsæti, Verkamannaflokkurinn 266 sæti, Skoski þjóðarflokkurinn 34, Frjálslyndir demókratar 14 og aðrir flokkar enn færri sæti.

Ef kosningarnar enda með svokölluðu „hung parliament“, þ.e. ef enginn flokkur verður með hreinan meirihluta, verður Theresa May leiðtogi Íhaldsflokksins áfram í embætti forsætisráðherra og mun fá fyrsta tækifærið til að mynda ríkisstjórn, annað hvort minnihlutastjórn eða í samsteypu með öðrum flokkum.

Gæti verið efnt til kosninga á ný

Takist henni það þá mun hún fara með nýju stjórnina fyrir þingið til að athuga hvort hún hafi þar nægan stuðning, líkast til eftir að þingið kemur aftur til starfa þann 19. júní.

En ef henni mistekst að mynda stjórn, eða þá að stjórnin nýtur ekki nægs stuðnings á þinginu, þá myndi almennt vera búist við því af henni að biðjast lausnar frammi fyrir Elísabetu Bretadrottningu.

Í kjölfarið myndi drottningin líklega bjóða Jeremy Corbyn, leiðtoga stærsta stjórnarandstöðuflokksins, að reyna að mynda stjórn.

Ef ekki tekst að mynda trausta stjórn þá getur þinginu verið slitið og efnt til kosninga á ný.

mbl.is

Frá Sýrlandi til Evrópu - Greinaflokkur

antik flott innskotsborð innlögp plata
er me falleg innskotsborð,innlögð rós í plötu í góðu standi.fæst á 45,000 kr sí...
Vasahandbók veislustjórans
Lagerhreinsun - hentug viðbót í jólapakkann Síðustu eintökin af Vasapésunum á s...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
 
Framhald
Nauðungarsala
Uppboð Einnig birt á www.naudungarsolu...
Stella bankastræti 3 óskum eftir starf
Afgreiðsla/verslun
Bankastræti 3 Óskum eft...
L helgafell 6017121319 vi
Félagsstarf
? HELGAFELL 6017121319 VI Mynd af au...
Tilboð óskast skólavegi
Húsnæði í boði
TILBOÐ ÓSKAST í húseignina Skólaveg 3 ...