Trump ofsóttur af „vondu fólki“

Donald Trump Bandaríkjaforseti segist fórnarlamb nornaveiða.
Donald Trump Bandaríkjaforseti segist fórnarlamb nornaveiða. AFP

Donald Trump, forseti Bandaríkjanna, er æfur vegna frétta af því að rannsókn sé hafin á því hvort hann hafi reynt að hindra framgang réttvísinnar vegna hugsanlegra tengsla forsetaframboðs hans við stjórnvöld í Rússlandi. Segist hann fórnarlamb nornaveiða sem sé stýrt af „mjög vondu fólki“ samkvæmt frétt AFP.

„Þið eruð vitni að mestu nornaveiðum í bandarískri stjórnmálasögu,“ ritaði Trump meðal annars á Twitter-síðu sína. Trump hefur hins vegar ekki rætt ásakanirnar, sem mögulega gætu kostað hann forsetaembættið, efnislega. Trump segir að fyrst engar sannanir hafi fundist um tengsl hans við stjórnvöld í Rússlandi hafi verið skálduð saga um að hann hefði reynt að hindra framgang réttvísinnar. 

Meint tengsl forsetaframboðs Trumps við rússneska ráðamenn eru bæði til rannsóknar hjá þingnefnd og alríkislögreglunni FBI. Rannsóknirnar beinast bæði að meintum afskiptum Rússa af kosningabaráttunni fyrir forsetakosningarnar á síðasta ári og mögulegum tengslum framboðs Trumps við rússneska ráðamenn.

Rannsókn sérstaks saksóknara snýst einkum um þá ákvörðun Trumps að reka James Comey úr starfi forstjóra FBI að því er fullyrt er í þeim tilgangi að reyna að stöðva rannsókn alríkislögreglunnar á málinu.

mbl.is

Bloggað um fréttina

Frá Sýrlandi til Evrópu - Greinaflokkur

UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
Listaverk eftir Sigurjón Ólafsson til sölu
til sölu listaverk eftir Sigurjón Ólafsson. Verkið kallast Sundaborg - frumdrög ...
SÆT ÍBÚÐ TIL LEIGU Í VENTURA FLORIDA
GOLF & SÓL . Vel búin & björt 2 svh & 2 bh íbúð á 18 holu golfvallarsvæði. 2 sun...
Til leigu íbúð á Norðurbakka Hafnarfirði
Er með til leigu nýja og glæsilega íbúð við Norðurbakka 7C Hafnarfirði. Íbúði...
 
Eldri borgarar
Staður og stund
Árskógar 4 Félagsstarfið er með opið í s...
Skipulagsauglýsing
Tilkynningar
Borgarbyggð Skipulagsauglýsingar Sv...
Félagsstarf
Staður og stund
Áskirkja Farið verður til Vestmannaeyja ...
Eldri borgarar
Staður og stund
Árskógum 4 Félagsstarfið er með opið í s...