Trump ofsóttur af „vondu fólki“
Setja bókamerki
Donald Trump, forseti Bandaríkjanna, er æfur vegna frétta af því að rannsókn sé hafin á því hvort hann hafi reynt að hindra framgang réttvísinnar vegna hugsanlegra tengsla forsetaframboðs hans við stjórnvöld í Rússlandi. Segist hann fórnarlamb nornaveiða sem sé stýrt af „mjög vondu fólki“ samkvæmt frétt AFP.
„Þið eruð vitni að mestu nornaveiðum í bandarískri stjórnmálasögu,“ ritaði Trump meðal annars á Twitter-síðu sína. Trump hefur hins vegar ekki rætt ásakanirnar, sem mögulega gætu kostað hann forsetaembættið, efnislega. Trump segir að fyrst engar sannanir hafi fundist um tengsl hans við stjórnvöld í Rússlandi hafi verið skálduð saga um að hann hefði reynt að hindra framgang réttvísinnar.
Meint tengsl forsetaframboðs Trumps við rússneska ráðamenn eru bæði til rannsóknar hjá þingnefnd og alríkislögreglunni FBI. Rannsóknirnar beinast bæði að meintum afskiptum Rússa af kosningabaráttunni fyrir forsetakosningarnar á síðasta ári og mögulegum tengslum framboðs Trumps við rússneska ráðamenn.
Rannsókn sérstaks saksóknara snýst einkum um þá ákvörðun Trumps að reka James Comey úr starfi forstjóra FBI að því er fullyrt er í þeim tilgangi að reyna að stöðva rannsókn alríkislögreglunnar á málinu.
Skar höfuðleðrið af íslenskri konu
Shakespeare fannst í skókassa
Frambjóðendur skila inn listum í Hörpu
Nemendur í HÍ reistu tjaldbúðir án leyfis
Sex hafa greinst með listeríu
Gígbarmurinn hækkað frá því í gær
Kaldasti veturinn kom að óvörum
Tveir í bílnum sem lenti utan vegar