Franska lögreglan hefur fundið að minnsta kosti níu vopn á heimili mannsins sem ók á lögreglubíl á breiðgötunni Champs-Elysees í París í gær.
Á heimili Adams Dzaziri, sem var 31 árs, fundust meðal annars tvær skammbyssur og Kalashnikov-árásarriffil.
Í bíl hans fundust í gær byssur og gashylki.
Maðurinn hafði verið á lista stjórnvalda yfir öfgafulla íslamista.
Edouard Philippe, forsætisráðherra Frakklands, hefur lýst yfir óánægju sína með að Dzaziri hafi verið með byssuleyfi þrátt fyrir að vera á lista yfir mögulega hryðjuverkamenn.
„Á þessu stigi hef ég upplýsingar um að hann fékk fyrsta byssuleyfi sitt áður en hann fór á listann,“ sagði Philippe.
Hann bætti við að „enginn geti verið ánægður og hvað þá ég“ yfir því að Dzaziri hafi getað átt þessi hættulegu vopn.