Stjórnvöld í Írak munu brátt lýsa yfir fullnaðarsigri í baráttunni um að endurheimta borgina Mosúl úr greipum Ríkis íslams. Þetta segir Robert Sofge, hershöfðingi Bandaríkjastjórnar.

„Ég vil ekki vera með getgátur um hvort tilkynningin er í dag eða á morgun, en ég held að hennar sé að vænta mjög bráðlega,“ segir Sofge í samtali við fréttastofu AFP.

Íslamistarnir sem eftir eru í borginni berjast nú til dauða síns á litlu svæði við ána Tígris, segir hann og bætir við að þeir séu örvæntingarfullir.

Mikil tímamót fyrir öryggissveitirnar

Einhverjir hafa reynt að laumast úr borginni og slegist í för með almennum borgurum á flótta. Hafa þeir þá skorið skegg sín og skipt um föt. Enn aðrir hafa þóst vera látnir á jörðinni en virkja svo sprengjuvesti þegar öryggissveitir ríkisstjórnarinnar nálgast.

„Þeir eru að reyna að valda eins miklum skaða og þeir geta á þessum síðustu stundum orrustunnar,“ segir Sofge.

Baráttan um að endurheimta Mosúl hófst 16. október síðastliðinn og hefur farið sífellt harðnandi eftir því sem herlið ríkisstjórnarinnar hefur nálgast miðju borgarinnar.

Fullnaðarsigur í Mosúl myndi marka mikil tímamót fyrir öryggissveitir Íraka, sem molnuðu niður frammi fyrir skyndilegu áhlaupi hryðjuverkasamtakanna árið 2014.

Borgin er illa leikin eftir átök síðustu ára. AFP

Liðsmaður öryggissveitanna í átökum við Ríki íslams. AFP

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt