Vara við hruni í Norður-Kóreu
Setja bókamerki
Bandaríkin hafa varað stjórnvöld í Norður-Kóreu við því að haldi þau áfram að þróa kjarnorkuvopn muni það leiða til þess að stjórn leiðtogans Kim Jong-un muni hrynja.
Jim Mattis, varnarmálaráðherra Bandaríkjanna, sagði að Norður-Kórea verði að hætta að einangra sjálfa sig og verði að hætta þróun kjarnorkuvopna. Hann bætti við að þjóðin „eigi að hætta að íhuga aðgerðir sem gætu orðið til þess að stjórn þess hrynur og almenningur í landinu tortímist“.
Hann bætti við að Norður-Kórea ætti engan möguleika í stríði gegn Bandaríkjunum og samherjum þeirra.
Rex Tillerson, utanríkisráðherra Bandaríkjanna, var á sama máli og Mattis og hvatti stjórnvöld í Norður-Kóreu til að hætta vopnaáætlun sinni.
Hann tók þó fram að engin yfirvofandi ógn væri fyrir hendi og hefðu Bandaríkjamenn því ekkert að óttast.
Banna mengandi búnað sem leyfður er á Íslandi
Vonast til að tjaldbúðir við HÍ standi áfram
Mál hjúkrunarfræðingsins fer aftur fyrir héraðsdóm
Kaldasti veturinn kom að óvörum
„Umsátursástand“
Kostnaður meiri en milljón á fermetra