Fundu björgunarvesti við Saltholm

Hjá Sjöräddningssällskapet starfa sjálfboðaliðar sem hafa verið að aðstoða við ...
Hjá Sjöräddningssällskapet starfa sjálfboðaliðar sem hafa verið að aðstoða við leitina að Kim Wall. AFP

Sænskt fyrirtæki sem sérhæfir sig í björgun leitaði vísbendinga um blaðakonuna Kim Wall á Eyrarsundi í gær. Leitarmennirnir fundu björgunarvesti skammt frá eyjunni Saltholm í nágrenni Eyrarsundsbrúarinnar. Töldu þeir fundinn „áhugaverðan“ en danska lögreglan er á öðru máli og telur ólíklegt að vestið tengist málinu á nokkurn hátt. Mikil umferð sjófarenda er um Eyrarsund á hverjum einasta degi.

Í frétt danska ríkissjónvarpsins segir að sænska fyrirtækið hafi farið með vestið til samstarfsfélaga sinna í Danmörku sem munu í dag koma því til dönsku lögreglunnar. Í tilkynningu frá lögreglunni segir að vestið verði rannsakað en það verkefni sé þó ekki í forgangi. Þá verður svæðið þar sem vestið fannst ekki rannsakað sérstaklega í dag. Þegar hefur verið gerð ítarleg leit á þessu svæði undanfarna daga.

Lögreglan segist engu að síður ánægð með að fólk láti vita af hlutum sem finnast er gætu tengst rannsókninni á mannshvarfinu. Í gær greindi lögreglan frá því að ekki yrðu gefnar ítarlegar upplýsingar um gang rannsóknarinnar og leitarinnar í sjónum að svo stöddu. 

Horfin í sex sólarhringa

Tæplega sex sólarhringar eru frá því að kafbáturinn Nautilus lagði úr höfn í Kaupmannahöfn. Um borð var blaðakonan Wall og eigandi bátsins, Peter Madsen. Báturinn sökk á Eyrarsundi næsta dag en Madsen var bjargað í land. Wall var þá hvergi að finna og enn hefur ekkert til hennar spurst. 

Lögreglan hefur óskað eftir upplýsingum frá almenningi sem geti varpað ljósi á hvar kafbáturinn var milli kl. 20.30 á fimmtudagskvöld, er hann sást síðast, og um kl. 10 að morgni föstudagsins er samband náðist loks við hann. 

Peter Madsen var á laugardag úrskurðaður í gæsluvarðhald til 5. september. Hann er grunaður um að hafa drepið Wall.

mbl.is

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

SÆT ÍBÚÐ TIL LEIGU Í VENTURA FLORIDA
GOLF & SÓL . Vel búin & björt 2 svh & 2 bh íbúð á 18 holu golfvallarsvæði. 2 sun...
Antikhúsgögn
Antíkhúsgögn og munir í úrvali. Skoðið heimasíðuna. Erum á Facebook. Opið frá kl...
fjórir stálstólar nýtt áklæði.þessir gömlu góðu á 40,000
er með fjóra nýklædda stálstóla þessa gömlu góðu á 40,000 kr sími 869-2798...
 
Fyrirtæki í reykjavík
Önnur störf
Fyrirtæki í Reykjavík óskar eftir ...
Verkefnisstjóri
Stjórnunarstörf
Verkefnisstjóri Stjór...
Framhald uppboðs
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Dagurinn byrjar á opinni v...